Ein Tirol, ein Ladinien

I scizeri ladins de Mareo, de Fodom y de Anpezo à porté deberieda a Desproch pro la festa a recordanza de Andreas Hofer y dles veres de liberazion dl 1809, n gran placat con la scrita „Ein Tirol = ein Ladinien“.

Ai à abù n gran suzes empera. Na desmostrazion de unité anter chestes trei valedes ladines sciche zacan, canche plu outes é scizeri de vigni valeda jus en aiut dles autres te temps de vera. Te chest contest él ence da recordé la „eroina ladina“ de enlaouta, Catarina Lanz. Günther Obwegs, sourastant di scizeri ladins, à dé ca dut sie sostegn y entusiasm per na „formazion ladina“, se proan enfin a enultima che dut garete a Desproch. La bacheta di scizeri de Puster, pro chela che les compagnies auda, à tamben encorajé chesta „formazion ladina“.

Con la „clapeda“ ladina é ence jus raprejentanc dles unions culturales ladines da souramont, anter chisc la presidenta dla Union Generela di Ladins Dolomites, Elsa Zardini. Sia scrita fova „Wir getrennten Ladiner wollen zurück zu Bozen“. Dantaldut i ladins despartis da souramont de Anpezo, de Col y de Fodom à cherdù te chesta manifestazion. Ai à dé da entene clermenter che ai à tamben l dert de audì pro l Tirol storich y tla Euro-regio Tirol che vegn proieteda tl davegnì. L tort dla despartizion da pert dl stat talian dess  finalmenter vegnì refat aladò dla volonté referendara dl otober dl 2007 che se à damané, a gran maioranza, la arciaseda pro la provinzia de Bulsan dles trei comunités.  Al ne é nia dret  I scizeri de Gherdeina (Urtijei) ne à depierpul nia volù jì pera con l „Ladinerblock“ y à trat dant de jì con la bacheta de Bulsan de chela che ai fej pert organisativamenter. Ence i scizeri fascians se à trat sotfora, stan pro i scizeri trentins dl Welschtirol entratant la desfileda.
La desfileda essa podù ester na desmostrazion de unité de duc i scizeri ladins con Tirol, sotrissan ciamò deplù la componenta ladina te n Tirol plurilinguistich.

Liam a n articul sun la storia, i ladins y les veres dl 1809: http://www.1809-2009.eu/v2/die_ladiner_waehrend_der_franzosenkriege,10393,6306.html

{2jtabs_plugin 4}

Al me plej(0)Al ne me plej nia(1)

842 iadesc liet