L assessour ai laours publics, dr. Florian Mussner, che furneia vigni di da Pruca fora a jì a Bulsan, à dessegur enstes vedù tant sclet che al é l asfalt te valch trac dla SS 242. I nes fajon demarevueia che el ne à nia ciamò dé l orden de asfalté danuef l stradon do l tunel de Petlin enfin ja Cucheneies (encrousc con Ciastel).
Y pona da Runcadic enfin a Pontives olàche an mess se chirì fora i miours toc per ne se fé nia dann al auto dal gran sclet che al é l asfalt. Damat sclet é ence l asfalt dal puent da Minert (Urtijei) enfin daite da Mulin da Coi (S.Cristina). Sen dant l invern speronse ben che l assessour abine ciamò enzaul n pue de scioldi per fé te chestes doi-trei lueges n asfalt.
Dassen debujegn de slarié inant l stradon de Gherdeina él jal “ Falnoder “ (Solayon) olàche da puech él vegnù zaré ju l tablé y slarié l stradon, dessegur n dret bon laour, ma sen él ilo damat da temei per chi che furneia da Pruca itevers, ajache la streda se strenj dassen adum te n colp. I savon che les corieres ne se despassa nia via te chel luech. Chilò speronse che l assessour ciale che l stradon vegne slarié inant per 300/ 400 m enfin a dant l Federa olàche al fova bel vegnù slarié n pue dant n valgugn agn.
A pensé tant de scioldi che chi de Gherdeina porta a Bulsan no demé sot a forma de coutes, ma ence compran ite ades dut cie che la valeda con damprò da 20.000 turisc‘ adora vigni di, (material da frabiché y bens de consum de vigni dì), ratonse ben che i nes meritessan na miour streda de chela che i on encuei da Pruca ite.
Streda che con do la rata nia na gran speisa podéssen slarié tresite a na maniera che les corieres se despasse via saurì, te valch post fòssel mefun da tré endret valch raida, encuei dre massa periculousa.
Moroder Georg per l Moviment Ladins Dolomites
![](http://www.noeles.info/wp-content/plugins/like-dislike-counter-for-posts-pages-and-comments/images/up.png)
![](http://www.noeles.info/wp-content/plugins/like-dislike-counter-for-posts-pages-and-comments/images/down.png)
715 iadesc liet
Scrive n comentar a revert de "Gherdeina: na miour streda"