La Svp vuel pié via con n eneisem tentatif de mudé ju la lege litala provinziala, inserian dantaldut n lim lital per scluje fora partis mendres. Trei outes é chest tentatif bele jù falidon.
La lege litala atualmenter en doura veid dantfora n sistem proporzional con l’assegnazion de scagns plens y mandac de rest. Tres n lim volessa la Svp tò demez o restrenje dassen la poscibelté de arjonje n mandat de rest. Ma tan saurida ne éla nia: l’oposizion sarà endò sterscia, anter l auter ence da pert de Ladins Dolomites (LD) che tol posizion con chesta nota: „L president dla jonta provinziala rejona dla lege litala y bat danuef sun l lim lital. Durnwalder se recorda dret avisa y dret ben che l lim lital é bele vegnù n iade declaré anti-costituzional da la Court plu auta dl stat, ajache al é contra i derc dla mendranza ladina. Ma Durnwalder enconda empò publicamenter de ne volei nia respeté l detam costituzional y de volei ciarpedé sot n dert fondamental di ladins“. Ladins Dolomites ne ti nenstarà nia chest al president dla jonta provinziala che essa perdret l dovei de stravardé i ladins. L’aroganza a dann di ladins ne à nia na fin. Al é grandiscima ora che i raprejentanc ladins al intern dl partì de maioranza tole posizion. Scuté tresfora via dut a dann di ladins ne é nia azetabel.“
nensté = dé pro
{japopup type=“iframe“ content=“http://www.noeles.info/noelesnet/modules.php?name=News&file=article&sid=1659″ width=“800″ height=“400″ }Vidrela: la lege litala{/japopup}
(0)Al ne me plej nia
(1)716 iadesc liet
Scrive n comentar a revert de "La Svp seghita con n lim lital"