L conseier Andreas Pöder dla „Union für Südtirol“ à porté ite chisc dis tla sescion straordinara dl Consei Provinzial na mozion che se damanova na mudazion dl Statut de autonomia a ben di ladins. La mudazion vedova dantfora de garantì la prejenza de doi vicars ladins pro l tribunal aministratif regional (TAR), adenjonta di 4 talians y 4 todesc. Atualmenter é i ladins scluc fora deplen y ne pò nia ruvé permez.
La mozion é vegnuda desbuteda con 18 oujes contra (dla SVP, ence chela de Mussner) y 14 per. PD y Minniti ne fova nia prejenc. „Sce na mudazion a ben di ladins vegn sciureda zeruch propi dal partì che dij de ester ence l partì dla mendranza ladina él ben l colm. Florian Mussner, sciche raprejentant ladin ne pò nia plu scuté. Do na tela mess Mussner tò na dezijion. Sce al ne é nia datant da porté inant i enteresc di ladins déssel lascé lerch a n auter raprejentant che se embaste l am de fé avalei i derc di ladins. L raprejentant ladin ne pò nia lascé che na mozion per i ladins vegne sciureda zeruch da sie partì“, dij „Ladins Dolomites“ (LD) de chest comportament.
(0)Al ne me plej nia
(0)937 iadesc liet
Scrive n comentar a revert de "TAR: „Chest é l colm“"