Ai 9 de merz à publiché la Tageszeitung i davagns de nosc politics te consei provinzial. Chel che davagna deplù é Luis Durnwalder che à n davagn de passa 340.000 Euro al ann. Do da d’el Berger, Steger, Mussner y Widmann.
L assessour ladin à declaré passa 240.000 euro de davagn. Per fé n confront a livel internazional: davagna Angela Merkel 19.300 euro al meis contra i 27.000 de Luis Durnwalder. La desfarenzia Angela Merkel aministreia n stat con passa 80.000.000 de abitanc, Luis Durnwalder na provinzia con nience 600.000 abitanc.
La domanda da se fé: é chisc davagns, che i recordon en gran pert jendrés da l’ativité politica y demé en picera pert da davagns soura l’ativité politica fora, giustifichés?
Sce an conscidereia la cualité dla aministrazion pòn zenzauter dì che chisc dinés podessa gnì spenus cotant damiec. Te Sudtirol vìvel persones te de gran dificoltés, depierpul che d’autri viv sun les sciables di autri. Ladins Dolomites se damana n intervent sterch che vae a mete n tet ai davagns di politics. Sce un davagna bele con sie laour privat, spo déssel gnì agaié l davagn sciche politich. „L tet podessa gnì fissé a 100.000 Euro al ann“, dij Ladins Dolomites (LD).
(0)Al ne me plej nia
(0)705 iadesc liet
Scrive n comentar a revert de "Davagns di politics fora de mesura"