I laours pro la streda ite en Antersasc resta sospenus. Chest à decreté encuei (14.09.10) l Tribunal Aministratif Regional (TAR) che à arlongé la architeda di laours bele decreteda de prescia ai 24 de aost.
La architeda di laours dess duré enfin a l’entleda a l’audienza prinzipala dl prozes che ne é nia ciamò vegnuda fisseda. Pluré ova l WWF (World Wildlife Fund) sun envit dles organisazions de sconanza dla natura locales. La streda ruva atualmenter enchin a Plan de Locia. La jonta provinziala con laite l assessour ladin Florian Mussner, che ova defenù la prozedura, ne é nience plu dret segura de sia dezijion. Sciche ala à lascé alsavei ai vicars aministratifs tres sie avocat, vuelela dé n vare inaò y prejenté n plan alternatif, na streda plu angosta do na trassa alternativa. La chestion dla streda à soscedé bendebot de emozions y de enteres. L raion de Antersasc é metù sot a sconanza UNESCO, tl parch natural Puez-Odles y te Natura 2000. I aversars dla streda, unis tla azion „Salvun Antersasc“ con Michil Costa dantcà, à metù a jì deplù manifestazions de protesta, enscì una pro la festa dla Svp sun Börz.
Foto: encuei na semena tres l ciampei de Antersasc, endoman na streda ampla con gliera? Encuei se la roda ite en Antersasc pastorec de biesces (feides), zenza famei.
(0)Al ne me plej nia
(1)737 iadesc liet
Scrive n comentar a revert de "Antersasc: laours archités"