Enciaries autes: puec ladins

I assessours Widmann y Theiner à messù ti respone a na interogazion dl vizepresident dl consei provinzial Minniti sun l respet dla proporzionala etnica tles lueges autes tla aministrazion provinziala, metan n iade sun meisa les zifres fosch sun blanch.

„I dac che resulteia  per l grup linguistich ladin lascia zenza paroles y desmostra ciamò n iade sciche la SVP y l’aministrazion provinziala ne ae nia dessourora per i ladins. Nience les leges ne vegn respetedes“, dij te na nota Albert Pizzinini de Ladins Dolomites. De en gre via n valgugn dac che spliga miec y che degugn ne pò contesté:

I ladins fej fora a livel provinzial l 4,4% y enscì ti spetàssel tla aministrazion l 4,4% dles lueges. Tla sanité é endere chisc i dac:

* primars ladins 2 che fej fora l‘ 2, 4% sun l total
* medesc (dotours) ladins 18 che fej fora l‘ 2,1% sun l total

Tl aministrazion provinziala: ladins te lueges diretives o sostituc, 19 che fej fora l‘ 4% (tamben demanco dla consistenza donca). Per cie che reverda les “sozietés provinziales”, sozietés controledes da la provinzia olàche la proporzionala ne mess nia vegnì aplicheda, é i dac per i ladins ciamò piours.

Al me plej(0)Al ne me plej nia(0)

740 iadesc liet