L comun de Urtijei met a jì chesta domenia, 20 de setember, n „dì lede da auti“ deberieda con „Atletica Gherdeina“ y la assoziazion turistica, na scomenciadiva da laudé, n dì dediché al sauté y al sté adum. Desplajoul é l envit che é demé metù ju per todesch, no per ladin y no per talian. Sibe Svp che Lista Zivica de Urtijei ova sun sie program la promozion dl lingaz dl luech, ma chesta sensibelté someiel che ne ruve nia dagnora tant inant da mete ju n placat per ladin gherdeina. Rie da se imaginé che valch de tel podessa suzede te n paisc todesch.
L todesch ne auda dessegur nia pro les rejonedes „en pericul“ a Urtijei. N cuer per la manifetazion, ma nia per la rejoneda ladina. L start é prevedù da les 10.00 da doman con na raida per mutons y na raida per cherscius. Duc giata dedò na scinconda de recordanza. Sarà mo ence chesta per todesch?
(0)Al ne me plej nia
(1)1792 iadesc liet
Scrive n comentar a revert de "Envit demé per todesch"