La Union Generela di Ladins dla Dolomites envieia de cuer a la festa di Ladins sun Ciastel Prösels/Fie, en sabeda 25 de setember 2010, da les 14.00 inant.
Al sarà la ocajion de conesce plu damprò les ativités dla union y de sies sotsezions de valeda.
La Union Generela se à tout dant de tegnì alaut l sentiment de unité dles valedes ladines, despartides aministrativamenter sun does regions y te trei provinzies.
Una dles majeres seves de ativité dla Union Generela é la edizion dla USC di Ladins, l soul foliet edemal dut scrit per ladin y sun argomenc che reverda damprò la vita politica, soziala y culturala tles valedes ladines. Dl 2005 à la Union festejé i 100 agn de „Union Ladina“, ciala codejel „100 agn Union Ladina“, olàche al vegn descrit en curt la storia dla Union Generela y dla pruma union predezessoura con fins valifs metuda su a Desproch dl 1905. Presidenta dla Union é atualmenter Elsa Zardini de Ampez, vize-president Marco Pizzinini de Al Plan/Mareo.
La Union Generela à n sie sit tla rei sot a la miscion www.generela.info, olàche an pò aposté sies publicazions y lieje de autres informazions sun la union.
L program dla festa veid dantfora:
dales 14.00 Scomenciament dla festa y saluc dles autorités,
15.00 Prejentazion de novités editoriales tl ciamp dl ladin,
17.00 Premiazion dl « Quiz sun la Ladinia,
18.00 Scluta ofiziala dla festa, poscibelté da sté inant adum
Tratant dut l domesdì végnel pité :
N acompagnament musical de Chris Costa
Persones che ciala soura i pici mutons/bec
Da mangé y da beive spezialités ladines
Prejentazion dles ativités dla Union Generela, dles Unions di Ladins dles valedes y dla Usc di Ladins
La festa vegn fata da vigni temp – Sce al essa da plovei, spo daite tl ciastel.
(0)Al ne me plej nia
(1)858 iadesc liet
Scrive n comentar a revert de "Festa Ladina tl Ciastel Prösels/Fie"