L CAI ne la tol nia avisa

L sit brenner – basis – demokratie.eu se à tout la bria de fé na roda tla Val Badia y cialé coche ala se sta con la toponomastica metuda su dal CAI (Club Alpino Italiano) che decianta tresfora che al se tegn al prinzip dl „bilinguism o trilinguism“. La „Lia da Munt Ladinia – CAI Val Badia“ fej pert dl CAI a desvalivanza dla „Lia da Munt“ de Mareo che fej pert dl AVS (Alpenverein Südtirol). L CAI à metù su te „sie raion“ tla Val Badia entourn a 1.300 tofles (blances con saites cuecenes) da Colfosch enfin a tl comun de San Martin de Tor. Toponims ladins: rers. Te chest caje ne él sauté su degun comissar dl govern a Bulsan a ghiré respet per la toponomastica ladina aladò dl statut de autonomia, con n ultimatum. 

Chest desmostra endò n iade che vigni grup ciala egoisticamenter empruma de sè enstes y che al ne é degun respet per n dert de na mendranza, vedù dantfora ence per i ladins dal statut de autonomia (art.102). Da pert taliana ghìren depierpul che al vegne metù su les tofles con i toponims tolomeics dl temp fascist, chest iade tl inom dl multi- o plurilinguism, propi les creazions  de un che volova desdruje vigni multilinguism. Ciala: www.brennerbasisdemokratie.eu.

Al me plej(1)Al ne me plej nia(1)

681 iadesc liet