Ladinia, él n davegnì deberieda?

La Union Generela di Ladins dles Dolomites met a jì en colaborazion con l’Union di Ladins de Gherdeina, ai 27 y ai 28 de mei 2011, a Selva tla Cesa dla Cultura „Oswald von Wolkenstein“, n convegn dal titul „Ladinia: n davegnì deberieda?“ con 4 meises torones y na schira de argomenc „sun meisa“. Dantaldut gniràl valuté la funzion dles Unions te na situazion politich-aministrativa dutaorela dassen spidiceda, condut l laour dles unions dejout dejenés alalongia.

Foto: i presidenc dles Unions di ladins en gaujion dla festa dla bandiera sun l jouf de Frera.

Meisa torona 1 – vender,  27.5.2011, da les 16:00
Argoment: La Union Generela y les Unions di Ladins: N model ciamò atual per la sconanza y promozion dla cultura ladina?
Referat impuls de 10-15 menuc
Entourn a la meisa torona: Elsa Zardini (Presidenta dla UGLD y dla Union di Ladis de Anpezo), i presidenc dles Unions de valeda: Stefan Kasslatter per Gherdëina, Werner Pescosta per la Val Badia, Silvano Ploner per la Val de Fascia, Daniela Templari per Fodom, Ilda Pizzinini (presidenta onorara dla Generela), Alexander Piccolruaz per la Comunanza ladina de Bulsan; Paola Agostini (per Col de Santa Luzia), Antone Pollam (Fascia).
Tematiches:
– La Generela tl ann 2011: cie funzion àla pa? cie funzion voléssela pa avei?
– Colaborazion anter les unions de Valeda, anter les Unions y la Generela: situazion y poscibeltés de svilup, importanza di contac;
– I „Ladins dlafora“ – na assimilazion nia da arferé?
Moderazion: Leo Senoner

Da les 18:30 – Pitla sala dla Cesa de cultura “Oswald von Wolkenstein”

Meisa torona 2 – vender 27.5.2011, da les 20:30
Leteratura ladina
Tema: La leteratura ladina anter sia creazion y sia trasmiscion
Referat impuls de 10-15 menuc
Referent/a: Roland Verra  

Encer la meisa torona con autours da vigni valeda: Rut Bernardi, Ivan Senoner (scritour y colaboradour  de “Puhin”), Ingrid Runggaldier (“Gana”), Erika Castlunger (teater), Raimond Irsara (mujiga), Tresele Palfrader, Claus Sorapera, Tiziana Ghedina (scritoura), Iaco Ploner (scritour y preve che se dà da fé per l ladin te gliejia), Siegfried Kerschbaumer (president dla grupa de teater de Selva), Lorenzo Soratroi (Fodom).
La leteratura ladina: si contegnus y sie status de mendranza;
La trasmiscion o nia-trasmiscion dla leteratura ladina;
L’aplicazion dla leteratura ti tesc’ sacrai, tla mujiga, ti pec de teater.

Meisa torona 3 – sabeda 28.5.2011, da les 10:00
Argoment: Le ladin: svilup unitar o svilup valeda por valeda?
Referat impuls de 10-15 menuc
Referent/a: Paul Videsott
Pro la meisa torona: i diretours di 3 istituc linguistics: Bruno Senoner (vizepresident dl Istitut Micurà de Rü) Fabio Chiocchetti (diretour dl Istitut Majon di Fascegn), Moreno Kerer (diretour dl’Istitut Cesa de Jan), Claudia Canins; ensegnanc de ladin: David Lardschneider, Giuliana Bellodis
Svilup unitar: cie prospetives à pa ciamò l Ladin Dolomitan?
Poscibeltés de colaborazion anter les valedes: cie vàla pa da fé y cie ne vàla pa nia da fé;
Dizionars de valeda: veramenter demé de valeda?
“Avejinazion” ortografica: tan de ortografies ladines per tan de idioms ladins pa?
Strumenc linguistics sun internet: n meso per superé la divijion geografica?
Situazion dl ladin tla provinzia de Belun.

12:30 – Pitla sala dla Cesa de cultura “Oswald von Wolkenstein”
Marena per duc i enviés

Meisa torona 4 – sabeda 28.5.2011, da les 15:00
Argoment: Politica (culturela) ladina o politica ladina de partì?
Referat impuls de 10-15 menuc
Referent/a: Giuseppe Detomas
Meisa torona: raprejentanc politics dles 3 provinzies: Luigi Chiocchetti, Daniela Templari; Albert Pizzinini (moviment politich Ladins Dolomites), Albert Palfrader (Lia di comuns), Marco Pizzinini, (Generela), Carlo Willeit (ex conseier provinzial), Paolo Frena (vize-ombolt de Col, vize-president dla Lia di comuns), Margherita Detomas (jornalista)
Partì ladin autonom o pert de n “gran partì” politich?
N parlamentar ladin a Roma y a Brüssel?
La Lia di Comuns anter politica y cultura.

Al me plej(0)Al ne me plej nia(0)

816 iadesc liet