Les trei joenes da La Val, che à cianté con Hubert von Goisern, steila dl austro-pop, sarà defata da audì ence a Bulsan sun envit dla Consulta ladina dl comun de Bulsan.
Ales prejentarà sie album „Rai de Soredl“. Sie inom d’ert é „Ganes“, aladò dles figures mitiches dles lijendes ladines.
Les „Ganes“ sarà respetivamenter da audì tl Carambolage, str. Argentieri/Silbergasse, a Bulsan en mertesc y en mercui, 16 y 17 de november, tres da les 21.00 inant. „Rai de Soredl“ é dessegur una dles produzions musicales ladines plu garatedes y modernes di ultims agn, tant che la ciasa editoura Sony l’à deda fora. L jender musical é pop con valch prejes de soul y bossa nova. Les „Ganes“, les sorans Marlene y Elisabeth Schuen y sia jormana Maria Moling, é dutaorela dassen aficedes te na schira de conzerc soura duta l’Europa (ciala: http://www.ganes-music.com/)
Ganes sun Facebook, olàche an pò audì n valgunes pertes de sies cianties.
(0)Al ne me plej nia
(1)936 iadesc liet
Scrive n comentar a revert de "Les Ganes a Bulsan"