Lingaz teatral

Tl semester da d’isté 2011 pieta la Repartizion Ladina dla Facolté de Scienzes dla Formazion dla Université Ledia da Bulsan n curs opzional, che pò vegnì frecuenté da enteressés desche “student ghest”.  L curs „Lingaz teatral / Theatersprache / Linguaggio teatrale“, vegn tegnù da la dr. Erica Castlunger. Adoré l meso teatral te scolina y te scola é emportant per ti ensegné a les mutans y ai mutons a comuniché con i autri, respetan les regoles dl grup.  Al pò vegnì adoré sciche meso didatich per ensegné i lingac, y fé teater. Al é na esperienza che deida la persona a fé cresce deplù competenzes, sciche la creativité, la fantasia, l’esprescion, l laoré te n grup, la creta te se enstesc y ti autri.
Tratant l curs, che sarà scialdi pratich, vegniràl fat eserzizes teatrai y laoré sun tesć dla leteratura teatrala ladina, taliana, todescia y engleisa.
I contegnus dl curs é:
Introduzion teorica: Cie é pa l teater? –
Les formes dl teater – La funzion dl teater te scolina y te scola / Laboratore pratich: Perzezion dl corp y de sies poscibeltés espressives – Perzezion di autri: ie y l grup – Eserzizes de conzentrazion y de memoria – Esprescion de emozions tres la ousc y l corp – La prejenza scenica – Improvisazion individuala y de grup – Dramatisazion de stories per mutons te deplù lingac- L’adoranza dla ousc – Eserzizes sun tesć teatrai te de plu lingac.

L curs de 30 ores vegn tegnù tres de vendres con chisc orars:
11 de merz (14.00-16.00);
18 de merz (14.00-16.00);
25 de merz (14.00-18.00);
1 d’auril (14.00-16.00);
8 d’auril (14.00-16.00);
15 d’auril (14.00-18.00);
29 d’auril (14.00-16.00);
6 de mei (14.00-16.00);
13 de mei (14.00-16.00);
20 de mei (14.00-16.00);
27 de mei (14.00-16.00);
3 de jugn (14.00-16.00) y
10 de jugn (14.00-16.00).
 
Informazions emportantes: L curs de ”Lingaz teatral” vegnirà tegnù a Persenon tla Facolté de Scienzes dla Formazion (streda Regensburg 16). Duc pò se scrive ite, al ne vegn nia damané la matura. Informazions plu menudes soura les condizions d’iscrizion é da giaté tl secretariat di studenc dla Facolté de Scienzes dla Formazion (0472/012200); i formulars pò ence vegnì desćiariés dal internet (http://www.unibz.it/de/prospective/apply/nondegree/default.html ).
Informazions plu avisa sun vigni curs pòn ciafé dal prof. Paul Videsott (paul.videsott@unibz.it). L ultim termin per se scrive ite è i 17 de merz 2011 (per podei tó pert da la seconda lezion inant).

Al me plej(0)Al ne me plej nia(0)

883 iadesc liet