Lites 2010: Proiet por Mareo

La lista „Por Mareo“ con a cef Nicol Alberti desche candidat a ombolt se prejenteia en venders, ai 23 de auril, da les 11.00 tla ostaria Al Bagn a Al Plan de Mareo y en lunesc, ai 8 de mei da les 20.30 tla ostaria Bastl a Lungega. Sun lista él 23 candidac de dutes trei les frazions dl comun de Mareo.

Chesta sia conzezion de  laour tla aministrazion comunala che ai vuel porté inant: „Da november encà à n grup de persones metù man da s’enconté per pensé deberieda al davegnì dl comun. Adenfora él deventé na scuadra sterscia con porsones motivedes de dutes les frazions de Mareo. L projet „Por Mareo“ ne se ruvarà nia con les lites, ma se tol dant da ester ence dedò na ousc sterscia te comun, per dutes cheles persones che tegn sun n svilup sann y concret de nost paisc. L’unité te n comun é na cossa fondamentala. Vigni frazion é desvaliva y à sie potenzial y nos son convencius che demé adum podonse l anuzé deplen, per l ben de nosta jent. I raton che sce i laoron deberieda bele dantfora, él dedò plu saurì da realisé i projec evitan enscì che na frazion romagne sun na pert. I se tolon dant da ascuté su la minonga de vigni persona, dal plu pice al plu vedl. L Comun dess ester al servisc de duc y nia na ocajion per puec da se fé si enteresc privac. Ester al servisc dla jent vuel ence dì ester concrec ti fac, no demé desche ombolt, ma ence desche grup. Chesta é nosta convinzion. L program n’é per nos nia demé n papier de empermetudes che vegn copié ju vigni cin agn. L nost é l frut de n grum de encontedes y de reflescions – ence con esperc – olache al fova dagnora desche fondamenta l benester dla persona.“

Retrat: Nicol Alberti, candidat ombolt.

La lista à ence n sie sit internet da cherdé su sot a http://www.pormareo.bz.it/

Cliché sun la foto per vedei i candidac:

1 Alberti Nicol Rudi (candidat ombolt)     Al Plan        
2 Erlacher Roman dal Sport     Al Plan        
3 Frenner Suani Elisabeth dai Renc     Al Plan        
4 Palfrader Carlo de Pré     La Pli        
5 Pescollderungg Egon     Al Plan        
6 Sottsas Martin da Pecei     Rina        
7 Ferdigg Christian     Al Plan        
8 Kaneider Filippo     Al Plan        
9 Fiung Francesco Franz de Deto     La Pli        
10 Trebo Hans de Cone da Val     Al Plan        
11 Pisching Kastlunger Margot de Candido     Al Plan        
12 Costabiei Patrick     La Pli        
13 Schanung Luigi Lois de Corjel     Rina        
14 Huber Renzo da Plazores     Al Plan        
15 Taibon Karin Hotel Paraccia     Al Plan        
16 Mutschlechner Cindy     Al Plan        
17 Frenademetz Erich     Al Plan        
18 Pedevilla Simon de Terza     Al Plan        
19 Rigo Obwegs Agata     Al Plan        
20 Cristofolini Giuseppe Pepi     Al Plan        
21 Aichner Erlacher Sigrid dal Ciapolere     Al Plan        
22 Comploj Michael de Mano     Al Plan        
23 Alton Lisa d’Les Alpes     Al Plan

Al me plej(0)Al ne me plej nia(1)

896 iadesc liet