„Les critiches de Ladins Dolomites à fat madurì valch frut. La jonta provinziala à finalmenter dé pro da enjonté la verscion ladina sun les schedes referendares i proscims iadesc. Chest ne messessa nia demé vegnì fat tles valedes ladines, ma dlonch soura dut Sudtirol olàche al viv trueps ladins“.
Con chestes paroles se declareia Albert Pizzinini valgamia sodesfat dla dezijion touta chisc dis da la jonta provinziala de tò en consciderazion ence l lingaz ladin. „Durnwalder y la SVP ne dess nia desçiarié la colpa sun i autri, ma se tò su sies responsabeltés. L trilinguism a livel provinzial é dagnora vegnù refudé a vigni moda da Durnwalder, sciche al vegn desmostré da les comunicazions de sie assessorat anter l auter a la verdia forestala“, và inant Pizzinini. Mussner y duta la SVP ladina ne se ova nia tout la bria, canche al é vegnù aproé la lege sun i referendums, de damané ence la verscion ladina. „Demé do che Ladins Dolomites à trat su chesta chestion ésen stés sforzés da se mueve, autramenter éssen gen scuté chiec“, dij Pizzinini.
(0)Al ne me plej nia
(1)891 iadesc liet
Scrive n comentar a revert de "N vare tla dreta direzion"