Parola y parolata 2011

Da n valgugn dis él tla rei la plata nueva wopapa.it tres chela che an pò mané ite propostes per la lita dla „parola“ y dla „parolata“ dl ann 2011. Dal 2005 encà cern ence te Südtirol na giuria les paroles y les parolates dl ann fora dles propostes che é vegnudes manedes ite da la popolazion. La scomenciadiva vegn fata per duc trei i lingac dla provinzia, todesch, talian y ladin. Al é ence n liam a facebook.

Cie é pa paroles dl ann?
Paroles dl ann é paroles, che à gaujé discuscions y fat rejoné la popolazion tratant l ann tla provinzia de Bulsan y tla Ladinia, unfat sce per rajons positives o negatives.

Cie é pa parolates dl ann?
Parolates é paroles nia tant garatedes,

che ne passeneia nia dal pont de veduda linguistich,
che prova da abelì, da ascone la realté,
ne porta nia respet a les persones
Co végnel pa lité?
La popolazion dl Südtirol y dla Ladinia pò mané ite propostes per todesch, talian y ladin, dagnora fina ai 31 de dezember 2011. La dezijion finala vegn touta da na giuria, che chier fora la parola y la parolata dl ann da dutes les propostes manedes ite.  

Che met pa a jì la scomenciadiva?
La scomenciadiva vegn metuda a jì en colaborazion da:
L Post linguistich dl Istitut cultural dl Südtirol
L Istitut per Comunicazion Spezialistica y Plurilinguism dla EURAC
L’Université Ledia de Bulsan
La Biblioteca provinziala Dr. Friedrich Teßmann

wopapa.it

Al me plej(0)Al ne me plej nia(1)

1099 iadesc liet