Puglisi preia perdonanza

„Mies declarazions fova melpensedes y fauzes. I ne volove daldut nia ofene Durnwalder. I é bele proponù de sclarì la chestion empera. L bilinguism é n dert sacher purent“. Con chestes paroles reagesc Giovanni Puglisi, president dla comiscion taliana dla UNESCO, sun la intervezion ofiziala dla jonta de Bulsan con na nota de protesta pro les autorités competentes dla UNESCO a livel internazional a Paris. Puglisi ova paradlé Durnwalder a „Ghedaffi“ canche al fova vegnù damané do sia minonga sun les gaujes dl sciblament de n valgunes persones pro la festa de inclujion dles Dolomites tla lista dles arpejons naturales ai 25 de aost 2009 a Auronzo, apeina che Durnwalder ova metù man de dì valch paroles per todesch. Puglisi ova lascé adentene dedò tamben sie despriesc per les paroles todesces, dijan de capì les motivazions. Propi en chi dis fòvel rot fora te Sudtirol la chestion dla toponomastica.

Sun chesta chestion se fej ence audì Albert Pizzinini, president de Ladins Dolomites (LD), dijan che la SVP dess ence se sciaudé su con l AVS (Alpenverein Südtirol) che ne à nia respeté l plurilinguism, sternan fora sies tofles demé te un n lingaz y en plu ne éla ela enstessa nience datant da dé fora si comunicac per ladin. Pizzinini envieia duc i partis à dé fora si comunicac tles trei rejonedes dla provinzia, todesch, talian y ladin, respetan l plurilinguism y nia demé de l tré ca canche al và de uega politicamenter.

Al me plej(0)Al ne me plej nia(1)

733 iadesc liet