Scluta di joufs

An sà che la provinzia de Belun ne é nia cis a una con n daz sun i joufs dolomitics che la provinzia de Bulsan, o miec Durnwalder y Mussner, volessa introduje daven da en auter ann dal isté inant (Sela, Frera y an rejona ence de Ciaulonch). La proposta vegn touta su a freit tamben tla provinzia de Trent. La intenzion viadedò, jéghen a Belun, ne é nia demé de natura ambientala, ma a Bulsan àn ence sires de saré ju i flusc turistics devers sud, en pert raions turisticamenter manco svilupés.

„Sce la  provinzia de Bulsan vuel scode n daz sun i joufs, volon ence nos scode n daz sun les marcianzies y sun i camions che passa tres Ciadoura, Cortina per ruvé tla Val de Puster, inant y enzescul“, à dit l ombolt de Valle de Ciadoura,  Matteo Toscani, chisc dis, canche al se à endò rosedé n camion plen de ajes chimics te sie comun sun la SS 51, n camion con destinazion Puster tres la Val de Landro.
Ence l jouf de Ciaulonch, l plu bas di joufs dolomitans a 1.800 m, é na arteria per contac economics y nia demé turistics devers sud, tant deplù féjel marevueia che an à tout ite ence chest tl plan de scluta.

Jaghé = sospeté (parola dal ladin-gherdeina)

Al me plej(0)Al ne me plej nia(1)

621 iadesc liet