Stredes y daz sun i joufs

La pruma chestion che adora respostes cleres é chela dla viabelté tles y anter les valedes ladines. Al é basté i sciors de Sant Ambroje per mete la viabelté sotissoura te deplù localités ladines.

Les infrastrutures prejentes é inadeguedes. La política a Bulsan ne fej de chest vers deguna bela figura. Demé propaganda politica da pert dla SVP che empermet zirconvalazions dant da les lites sciche a Selva, da realisé endere poester te vint agn.

L daz sun l jouf de Frera  é n auter ejempl. An ciala de ti vene ai ladins che mete su n daz sun l jouf de Frera y Sela porte pro al smendriment dl trafich y che chest daz per ne ti fé nia n tort ai folestiers mess ence vegnì paié dai ladins. L’ipocrisia ne pò nia ester majera. Sce an vuel l smendriment dl trafich, cis ti dis plu critics, él da tò, sce an vuel bele, eventualmenter de autres mesures sciche a d’ejempl n contingentament dl trafich su per i joufs (vigni ora pòl passé n cert numer de auti); contingentament che ne dess nia valei per i aciasés. Al bastessa informé endertura l scior che al tolessa spo na autra streda, chest permetessa de gestì miec la situazion; ma chest ne vuelen nia fé.

{xtypo_quote_right}Che a Bulsan vuelen tegnì despartis i ladins é cleriscim.{/xtypo_quote_right} Che ence zenza l trafich de transit resta la transiabelté te Gherdeina problematica àn vedù da les ultimes nevudes, olàche l jouf de Frera é vegnù sclut y empò ne ruvòven nia inant con l auto, cis nia te Selva. Selva,  independantamenter da dut, adora na zirconvalazion che ae l mender impat ambiental y vedibel (te autres paroles  la zirconvalazion dess passé sot tera fora). Enscì ence per Urtijei, Corvara, La Ila y Longega.
Per cie che reverda l jouf de Frera méssen ciafé na soluzion che permete che l jouf reste davert tresfora. 10 cm de neif ne pò nia ester la gauja per saré l jouf. L gran problem é sot Mur Freit fora y dailò bàstel asseguré chel trat de streda de ca 2 km per mioré dassen la situazion. Ma al pèr che la politica ne vuele nia l fé. Che a Bulsan vuelen tegnì despartis i ladins é cleriscim.
I ladins a livel provinzial dess a duc i liviei vegnì reconescius sciche terz y mender grup che adora na sconanza particolara.
N ladin dess podei avei azes a dutes les enciaries a livel provinzial, desche ence a chela de Landeshauptmann; la cherta de identité dess finalmenter vegnì deda fora te trei lingac, i documenc ofiziai dla provinzia ence y zenza ezezions ti trei lingac. Demé enscì podaràn rejoné de valivanza de derc.
Ence de chest vers vuelel ester fac y no demé paroles o ceines de zirconstanza per fins litai. 

Ladins Dolomites

Al me plej(0)Al ne me plej nia(1)

640 iadesc liet